Dünya

Xristianlığı qəbul edən müsəlman qaçqınların sayı artır

9 İyun 2016 21:20

39 Şərh Baxış: 3 233

VTB-də minimal faiz dərəcəsi ilə nağd kredit 9.9%-dən

Müəyyən məlumatlar təsdiq edir ki, xristianlığı qəbul edən müsəlmanların sayı artır, bəzi kilsələrdə isə kütləvi xaç suyuna salma ayini aparılır. Milli.Az zaman.az-a istinadən bildirir ki, bu barədə Böyük Britaniyanın nüfuzlu "The Guardian" nəşri yazır.
Bəzi yerlərdə kütləvi xaç suyuna salma ayinini həyata keçirən kilsələrdən verilən məlumata görə, Avropada getdikcə daha çox müsəlman qaçqın xristianlığı qəbul edir.
Xristianlığı qəbul etməyə dair mötəbər məlumatlar olmasa da, bəzi məlumatlar təsdiq edir ki, Yaxın Şərqdəki və Mərkəzi Asiyadakı münaqişələrdən, repressiyalardan və iqtisadi çətinliklərdən qaçan müsəlman qaçqınlar xristian kilsələrini getdikcə daha çox ziyarət edirlər.
Məsələn, Berlindəki Müqəddəs Troitsa kilsəsindən verilən məlumata görə, son iki ildə xristianlığı qəbul etmək istəyənlərin sayı 150-dən 700 nəfərədək artıb. Bunun əsas hissəsini müsəlmanlar təşkil edib.
Avstriya katolik kilsəsi isə 2016-cı ilin ilk 3 ayında 300 nəfərin xristianlığı qəbul üçün müraciət etdiyini bildirib. Bunların 70 faizi qaçqındır.
İngiltərənin Liverpul şəhərindəki kilsədə hər həftə fars dilində ayinə 100-140 nəfər qatılır. Bunların hamısı İran, Əfqanıstan, Mərkəzi Asiya ölkələrindən olan miqrantlardır.

Milli.Az