Dünya

Məşhur yazıçı vəfat etdi

1 Mart 2015 09:00
0 Şərh     Baxış: 3 043
Görkəmli türk yazıçısı Yaşar Kamal ötən gün 92 yaşında vəfat edib.

APA-nın "Milliyyet"ə istinadən verdiyi xəbərə görə, bu ilin yanvarın 14-də ürək çatışmazlığı və kəskin ağciyər infeksiyası diaqnozu ilə İstanbulun "University Medical Hospital" xəstəxanasına yerləşdirilən yazıçı bu günədək intensiv terapiya şöbəsində müalicə olunurdu. Kəskin nəfəs çatışmazlığı səbəbindən onun süni nəfəs aparatına qoşulduğu bildirilir. Lakin həkimlərin səylərinə baxmayaraq, o, ötən gün xəstəxanada vəfat edib.

Türkiyə prezidenti Rəcəb Tayyib Ərdoğan Yaşar Kamalın vəfatı ilə əlaqədar onun həyat yoldaşı Semiha Babana zəng edərək başsağlığı verib.

Türk ədəbiyyatının öndə gedən yazarlarından biri olan Yaşar Kamalın əsl adı Kəmal Sadık Göyçelidir. O, 1923 ildə Osmaniyə əyalətinin Göyçedam kəndində anadan olub.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.