Dünya

"Suriyadan gəlmiş ermənilər Adana bölgəsinə yerləşdirilibsə..."

8 Oktyabr 2014 16:11
0 Şərh     Baxış: 1 895
VTB-də minimal faiz dərəcəsi ilə nağd kredit 9.9%-dən
#TÜRKİYƏ #MİLLƏT VƏKİLİ #SURİYA #MCNİCHOLS PLC

"Əgər Suriyadan gəlmiş erməni mənşəli vətəndaşlar qəsdən Adanaya yerləşdirilibsə, bunu yanlış sayıram"

Bu sözləri APA-ya açıqlamasında Türkiyənin Milliyyətçi Hərəkat Partiyasının (MHP) Adana millət vəkili Məhərrəm Varlı deyib.

"Son aylarda mətbuatda Suriyadan gəlmiş ermənilərin Adana bölgəsinə yerləşdirildiyinə dair xəbərlər yayılıb. Bildirilir ki, Suriya erməniləri Adanaya öz tarixi torpaqlarına gəldiklərini və oradan ayrılmayacaqlarını deyirlər. Bu barədə məlumatınız varmı?" - sualına MHP Adana millət vəkili Məhərrəm Varlı belə cavab verib:

"Mətbuatda gündəmə gətirilən iddialardan mənim də xəbərim var. Ancaq düzünü deyim ki, bununla bağlı xüsusi araşdırma aparmamışam. Dövlətin müvafiq qurumlarının dəqiq məlumatları olduğuna inanıram. Bunu vurğulamaq istərdim ki, əgər gerçəkdən Suriyadan gəlmiş erməni mənşəli insanlar Adana bölgəsinə yerləşdirilibsə, burada gizli məqsəd var və mən bu addımı səhv hesab edirəm. Çünki bizim istiqlal savaşımız dönəmində Adana bölgəsindəki ermənilər türklərə qarşı çox yanlış işlər görüblər. Bunu unutmağımız mümkün olmayacağı kimi, indi Suriyadan gəlmiş erməni mənşəli insanların Adana bölgəsinə yerləşdirilməsi vətəndaşlarımızın qüruruna toxunar. Biz milliyyətçi insanlarıq, qaçqın düşərgələrinə gedib kimin erməni, kimin kürd, kimin ərəb olduğunu soruşmaq bizə yaraşmaz. Ancaq təkrar edirəm ki, əgər Suriyadan erməni mənşəli insanlar gəliblərsə və onlar Adana bölgəsinə yerləşdiriliblərsə, bunun altında başqa niyyət axtarmaq lazımdır. Bunu qəti şəkildə səhv hesab edirəm".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.