Dünya

Türkiyə müxalifəti prezidentliyə vahid namizədinin adını açıqladı

16 İyun 2014 18:03
0 Şərh     Baxış: 1 979
VTB-də minimal faiz dərəcəsi ilə nağd kredit 9.9%-dən
#TÜRKİYƏ #MCNİCHOLS PLC

CHP və MHP İslam Əməkdaşlıq Təşkilatının sabiq baş katibi Ekmələddin İhsanoğlunun namizədliyini müdafiə edəcək

Türkiyənin əsas müxalifət partiyaları - Cümhuriyyət Xalq Partiyası (CHP) və Milliyyətçi Hərəkat Partiyası (MHP) prezident seçkilərində vahid namizədlə çıxış etmək barədə razılığa gəlib.

APA-nın Türkiyə mətbuatına istinadən xəbərinə görə, CHP lideri Kamal Kılıçdaroğlu MHP lideri Dövlət Baxçalı ilə görüşdən sonra vahid namizədi razılaşdırdıqlarını bəyan ediblər.

Onun sözlərinə görə, CHP və MHP bu ilin avqust ayında keçiriləcək prezident seçkilərində 2005-2009-cu illərdə İslam Əməkdaşlıq Təşkilatının baş katibi olmuş Ekmələddin İhsanoğlunun namizədliyini müdafiə edəcək.

Qeyd edək ki, Ekmələddin İhsanoğlu 1943-cü ildə Qahirədə anadan olub. Misirin Ayn Şəms Universitetinin məzunu, Osmanlı, Türk və İslam mədəniyyəti üzrə tanınmış mütəxəssislərdən biridir. Evlidir, üç övladı var.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.