Dünya

İranın 5 gün ərzində ABŞ-yə vurduğu inanılmaz zərər

12 Avqust 2026 10:07

Baxış: 377

VTB-də minimal faiz dərəcəsi ilə nağd kredit 9.9%-dən

#IRAN #ABŞ

Ötən ay İran İordaniyadakı üç ABŞ bazasına qarşı həyata keçirdiyi beşgünlük ardıcıl raket və dron hücumları zamanı ABŞ-nin hava hücumundan müdafiə sistemlərini sıradan çıxarıb.

Milli.Az axar.az-a istinadən bildirir ki, bu barədə "Nyu York Tayms" qəzeti məlumat yayıb.

Nəşr qeyd edir ki, hücumlar zamanı "Patriot" raketlərinin ehtiyatlarını tükətmək üçün təkmilləşdirilmiş manevredici raketlərdən və taktikalardan istifadə olunub.

İordaniyadakı hücumların yalnız bir günü ərzində ABŞ qüvvələri hər birinin dəyəri təxminən 4 milyon dollar olan 50-yə yaxın "Patriot" raketini işə salıb.

Hücumların beşinci günündə - iyulun 17-də İran raketi müdafiə xəttini yararaq Salti aviabazasındakı binaları vurub. Hadisə nəticəsində 3 ABŞ hərbçisi həlak olub, 100-dən çoxu yaralanıb, digər zərbələr nəticəsində isə bir neçə təyyarəyə ziyan dəyib.

Bildirilib ki, müharibə dövründə Pentaqon 1500-dən çox "Patriot" raketi atıb və nəticədə ehtiyatda 1700-dən az raket qalıb. ABŞ 2025-ci il ərzində ümumilikdə cəmi 600-ə yaxın tutucu raket istehsal edib.

Müəllif: Tural Hüseyn (Milli.Az redaktor)