Avropada yemək-içmək və otellər harada daha ucuzdur?

Yay tətilinizi harada keçirməyinizdən asılı olaraq, dəniz kənarında bir naharın, otel otağının və ya bir qədəh şərabın qiyməti ciddi şəkildə dəyişə bilər. Euronews Business yeddi populyar Avropa ölkəsindəki qiymətləri müqayisə edib.

Milli.Az xəbər verir ki, bu rəqəmlər birbaşa tətil xərclərini deyil, ölkələrin milli orta qiymət səviyyələrini əks etdirir. Məşhur turistik mərkəzlərdə qiymətlər orta göstəricidən xeyli yüksək ola bilər.

Ümumi qiymət səviyyəsi: Ən ucuz ölkə Türkiyədir
Avropa İttifaqında (Aİ) orta hesabla 100 avroya başa gələn eyni məhsul və xidmətlər səbətinin digər ölkələrdəki qiymətləri müqayisə edilib:

Türkiyə: 59,6 avro (Aİ ortalamasından 40,4% daha ucuz).

Ən bahalı ölkə: Fransa (100,3 avro).

Digərləri: Xorvatiya (78,4), Portuqaliya (86,6), Yunanıstan (87,4), İspaniya (91,6) və İtaliya (97,1).

Otel və restoranlar harada daha ucuzdur?
Ən ucuz: 73,6 avro ilə Portuqaliya restoran və otel xidmətləri üçün ən sərfəli ölkədir.

Türkiyə: 78,3 avro ilə ikinci ən ucuz ölkədir.

Ən bahalı: Fransa (116) və İtaliya (110,8).

Qida qiymətləri
Türkiyə 75,6 avro ilə qida məhsullarının ən ucuz olduğu ölkədir.

İspaniya (94,6) da Aİ ortalamasından ucuzdur, digər ölkələrdə isə qiymətlər ortalamadan bir qədər yüksəkdir.

Ən bahalı ölkə 107,9 avro ilə Fransadır.

Alkoqollu içkilər və tütün məmulatları
Alkoqol: Türkiyə 210,2 ballıq indekslə alkoqollu içkilərin ən bahalı olduğu ölkədir (Aİ ortalamasından iki dəfə artıq). Ən ucuz ölkə isə 81,9 balla İtaliyadır.

Tütün: Türkiyə tütün məhsullarında 25,4 avro ilə açıq ara ən ucuz ölkədir. İkinci ən ucuz ölkə olan Xorvatiyada isə bu rəqəm 64,6 avrodur.

Nəqliyyat və dəniz məhsulları
Nəqliyyat: İctimai nəqliyyat üçün ən ucuz ölkə 68,3 avro ilə yenə Türkiyədir. Yalnız Fransada qiymətlər Aİ ortalamasını (112,8) keçir.

Dəniz məhsulları: Cənubi Avropada dəniz məhsullarının qiymətləri bir-birinə yaxındır: Portuqaliyada 95,4 avrodan Yunanıstanda 112,7 avroya qədər dəyişir.

Müəllif: Ülkər Vəliyeva (Milli.Az redaktor)