Dünya

Pərəstu Əhmədiyə şallaq cəzası verildi

18 İyun 2026 17:25

Baxış: 550

VTB-də minimal faiz dərəcəsi ilə nağd kredit 9.9%-dən

İranda müğənni Pərəstu Əhmədi və onun təşkil etdiyi "Karvansara" adlı virtual konsertin iştirakçıları məhkəmə qərarı ilə cəzalandırılıb.

Məlumata görə, Qum əyalətinin Cinayət Məhkəməsi ümumilikdə 9 nəfəri "ictimai əxlaqa zidd məzmun yaymaq"da təqsirli bilib.

Qərara əsasən, təqsirləndirilən şəxslərə 74 şallaq zərbəsi, 2 il ölkədən çıxış qadağası və 2 il sənət fəaliyyəti ilə məşğul olmaq qadağası tətbiq olunub.

Məhkəmə onların "virtual məkanda əxlaqa zidd və qeyri-etik məzmun yayaraq ictimai iffətə zərər vurduğunu" bildirib.

"Karvansara" adlı virtual konsertin videosu 2024-cü ilin dekabrında Pərəstu Əhmədinin YouTube kanalında yayımlanmış və sosial şəbəkələrdə geniş müzakirələrə səbəb olmuşdu.

Müəllif: Malik Məlikov (Milli.Az redaktor)