Dünya

Gürcüstan Patriarxlığına üç əsas namizəd var

28 Aprel 2026 17:50
Baxış: 1 511
VTB-də minimal faiz dərəcəsi ilə nağd kredit 9.9%-dən
#DÜNYADA

Gürcü Pravoslav Kilsəsinin Müqəddəs Sinodu Katolikos-Patriarx vəzifəsinə namizədləri müəyyən edib.

Milli.Az xəbər verir ki, Sinodun qərarına əsasən, patriarx postuna üç əsas namizəd irəli sürülüb: Senaki və Çxorotsku mitropoliti Şio (Muciri), Urbnisi və Ruisi yeparxiyasının mitropoliti İov (Akiyaşvili) və Poti və Xobi mitropoliti Qriqoli (Berbiçaşvili).

Patriarxlığın İctimaiyyətlə Əlaqələr Xidmətinin rəhbəri Andria Jagmaidze jurnalistlərə açıqlamasında bildirib ki, gizli səsvermənin nəticələrinə görə, Şio (Muciri) 20 səs toplayıb, digər iki namizəd isə hər biri 7 səs əldə edib.

Onun sözlərinə görə, ilkin mərhələdə digər namizədlər - yepiskoplar Qriqol Katsia, Dositeos və Melkisedek irəli sürülsə də, yekunda üç əsas namizəd seçilib.

Qeyd olunub ki, növbəti mərhələdə bu üç namizəd arasında seçim genişləndirilmiş kilsə məclisində gizli səsvermə yolu ilə aparılacaq və nəticədə yeni Katolikos-Patriarx müəyyənləşəcək. Səsvermənin tarixi hələlik açıqlanmayıb.

Qeyd edək ki, Bütün Gürcüstanın Katolikos-Patriarxı II İliya martın 17-də 93 yaşında vəfat edib. Onun vəfatı ilə əlaqədar ölkədə matəm elan olunub və matəm günləri dəfn mərasiminə qədər (22 mart) davam edib./Report

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.