Dünya

Tramp: "İran bu gün bizə çox dəyərli bir hədiyyə verdi"

24 Mart 2026 23:13

Baxış: 2 222

VTB-də minimal faiz dərəcəsi ilə nağd kredit 9.9%-dən

#DONALD TRAMP

ABŞ Prezidenti Donald Tramp İrana qarşı həyata keçirilən hərbi əməliyyatlarla bağlı diqqətçəkən açıqlamalar verib. Tramp bildirib ki, "İran bu gün bizə çox böyük məbləğdə dəyəri olan bir hədiyyə verdi. Hədiyyənin nə olduğunu deyə bilmərəm, amma neft və təbii qazla bağlıdır".

Milli.Az xəbər verir ki, ABŞ Prezidenti canlı yayımda İran müharibəsində qalib gəldiyini iddia edərək Tehrandan dəyərli bir hədiyyə aldıqlarını vurğulayıb. O, həmçinin İranın "USS Abraham Lincoln" aviadaşıyıcısına 100 raket atdığını, lakin onların hamısının məhv edildiyini açıqlayıb.

Tramp bəyanatında "İranda böyük uğurlar əldə edirik. Doğru adamlarla danışırıq və onlar saziş bağlamaq istəyirlər. Bunun nə qədər çox istədiklərini təsəvvür belə edə bilməzsiniz. Onlar Dövlət katibi Marko Rubio, Vitse-prezident Ceyms Devid Vens və digər şəxslərlə görüşürlər. Qarşı tərəf razılığa gəlmək istəyir. Onların nüvə silahı ola bilməz və olmayacaq. Bu barədə danışırıq. Heç vaxt nüvə silahına sahib olmayacaqlarını qəbul etdilər" kimi fikirlər səsləndirib.

Xatırladaq ki, İsrail və ABŞ fevralın 28-də İrana qarşı hərbi hücumlara başlayıb, İran isə buna region ölkələrindəki hədəflərə zərbə endirməklə cavab verib.

Lalə Qüdrətova
Milli.Az

Milli.Az - Xəbər Portalı

Tramp: "İran bu gün bizə çox dəyərli bir hədiyyə verdi"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?