Dünya

Müharibəni bitirəcək görüşün yeri və tarixi bəlli oldu

23 Mart 2026 23:45

Baxış: 2 535

VTB-də minimal faiz dərəcəsi ilə nağd kredit 9.9%-dən

#IRAN

Adı açıqlanmayan yüksək rütbəli İsrailli rəsmi vasitəçi ölkələrin Pakistanın paytaxtı İslamabadda ABŞ və İran arasında görüş təşkil etməyə çalışdığını və bu görüşün bu həftə ərzində baş tutacağını iddia edib.

Milli.Az xəbər verir ki, ABŞ Prezidenti Donald Tramp məsələ ilə bağlı son qiymətləndirməsində İrana son bir fürsət verdiklərini bildirib:

"İranın təhdidləri sona çatdırmaq üçün son bir şansı var. Məncə, onlar sülh istəyirlər. Biz onlara 5 gün vaxt veririk. Hesab edirəm ki, bu müddətin sonunda hər kəs üçün çox yaxşı bir razılaşma əldə oluna bilər."

İran Məclis Sədri Məhəmməd Baqir Qalibaf Trampın açıqlamalarını yalanlayaraq, bu xəbərlərin maliyyə və neft bazarlarını manipulyasiya etmək üçün yayıldığını bildirib. İran Xarici İşlər Nazirliyinin sözçüsü İsmayıl Bəqayi isə qeyd edib ki, bəzi ölkələr vasitəsilə ABŞ-nin mesajları gəlsə də, İranın Hörmüz boğazı və müharibənin dayandırılması şərtləri ilə bağlı mövqeyi dəyişməz qalır.

İsrail mənbələrinin iddiasına görə, görüşdə iştirak edəcək şəxslər artıq bəllidir:

ABŞ Heyəti: Vitse-prezident Ceyms Devid Vens, Trampın Yaxın Şərq üzrə xüsusi nümayəndəsi Stiv Vitkoff və Trampın kürəkəni Cared Kuşner.

İran Heyəti: Məclis Sədri Məhəmməd Baqir Qalibaf.

Lalə Qüdrətova
Milli.Az