Dünya

Biri neft göndərir, biri də DÜYÜ

20 Mart 2026 16:24

Baxış: 937

VTB-də minimal faiz dərəcəsi ilə nağd kredit 9.9%-dən

#BRAZİL #KUBA

Braziliya və Rusiya Kubadakı enerji və ərzaq böhranını yüngülləşdirmək məqsədilə yardımlar göndərir.

Milli.Az qafqazinfo-ya istinadən xəbər verir ki, Braziliya hökuməti Latın Amerikasındakı çətin vəziyyəti nəzərə alaraq, Kubaya 20 min ton düyü göndərdiyini açıqlayıb.

Braziliya Xarici İşlər Nazirliyinin Latın Amerikası və Karib dənizi üzrə katibi Gisela Padovan bildirib ki, yardım Dünya Ərzaq Proqramı (WFP) vasitəsilə paylanacaq:

"Kuba xalqının yaşadığı əzab Braziliya üçün daimi narahatlıq mənbəyidir. Həm tibb, həm də qida sahəsində müxtəlif yardımlar göstəririk. Yaxın zamanda yeni göndərişlər planlaşdırılır və digər ölkələrin də dəstəyi gözlənilir".

Eyni zamanda, Rusiya enerji böhranı ilə mübarizə aparan Kubaya xam neft göndərir. Belə ki, "Anatoly Kolodkin" tankeri 8 martda Rusiyanın Primorsk limanından təxminən 730 min barel neft yükləyərək, Atlantik okeanı keçib və Kubaya yola düşüb. Gəminin 23 martda Matanzas neft terminalına çatması gözlənilir. Bundan əlavə, Honkonq bayraqlı "Sea Horse" gəmisinin 200 min barel dizel daşıdığı bildirilir.

Bu yardım tədbirləri ABŞ-nin Kubaya qarşı iqtisadi təzyiqi artırdığı bir dövrdə həyata keçirilir. Yanvar ayından bəri Kuba ABŞ-nin embarqo siyasəti səbəbindən, demək olar ki, heç bir neft idxal etməyib, bu isə ölkədə elektrik kəsintilərinə və əsas infrastrukturun zədələnməsinə səbəb olub.

Rusiya və Braziliyanın yardımları həm humanitar ehtiyacları qarşılamaq, həm də ABŞ-nin sanksiyalarına geosiyasi meydan oxumaq kimi qiymətləndirilir.

Milli.Az