Dünya

Məşhur Avropa şəhərində turistlərə ikiqat vergi ŞOKU

26 Fevral 2026 10:30

Baxış: 1 685

VTB-də minimal faiz dərəcəsi ilə nağd kredit 9.9%-dən

#SPAİN #BARSELONA #FUTBOL #VERGİLƏR #TURİST

İspaniyanın Barselona şəhərində turistlər üçün tətbiq olunan verginin artırılması ilə bağlı yeni qərar qəbul edilib.

Milli.Az xarici mətbuata istinadən xəbər verir ki, şəhər rəhbərliyi bu addımla həm turist axınını tənzimləməyi, həm də mənzil problemini yüngülləşdirməyi hədəfləyir.

Məlumata görə, Kataloniya Parlamentinin qərarına əsasən, otellərdə gecələyən turistlər üçün gündəlik verginin maksimal həddi apreldən etibarən 15 avro olacaq. Hazırda bu məbləğ 7,5 avro təşkil edir. Beləliklə, Barselona Avropada turistlər üçün ən yüksək rüsum tətbiq edən şəhərlər sırasına daxil olur.

Son illər bölgədə kütləvi turizmə qarşı narazılıq artmaqdadır. Yerli sakinlər bildirirlər ki, artan turist sayı kirayə qiymətlərinin yüksəlməsinə və mənzil çatışmazlığına səbəb olub. Şəhərdə keçirilən aksiyalarda da bu problem tez-tez gündəmə gətirilir.

Bundan əlavə, Barselona rəhbərliyi daha əvvəl də mənzil bazarına təsir edən qərar qəbul edib. Qərara əsasən, 2028-ci ildən başlayaraq mənzillərin qısa müddətli kirayəyə verilməsi qadağan ediləcək. Bu addımın əsas məqsədi yaşayış fondunu yerli əhali üçün əlçatan etməkdir.

Hüseyn
Milli.Az