Dünya

Son bir ilin ən böyük asteroidi Yerə yaxınlaşacaq

12 Fevral 2026 10:27
Baxış: 783
VTB-də minimal faiz dərəcəsi ilə nağd kredit 9.9%-dən
#DÜNYADA #KOSMOS #ASTEROİD

Son bir il ərzində Yerə yaxınlaşan ən böyük asteroid fevralın 14-də planetimizin yanından təhlükəsiz məsafədə keçəcək.

Milli.Az xəbər verir ki, bu barədə məlumat Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası tərəfindən yayılıb.

Məlumata görə, ölçüləri təxminən 0.5-1 kilometr arasında qiymətləndirilən 162882 (2001 FD58) asteroidi şənbə günü Yerə bir neçə milyon kilometr məsafəyə qədər yaxınlaşacaq. Bildirilir ki, bu obyekt son bir il ərzində Yer ətrafında 7.5 milyon kilometr radiuslu zonadan keçən səma cisimləri arasında ən böyüyüdür. Qeyd olunan zonaya daxil olan obyektlər avtomatik olaraq "potensial təhlükəli" kateqoriyasına aid edilir.

Bununla belə, mütəxəssislər asteroidin Yer üçün real təhlükə yaratmadığını vurğulayıblar. Onun planetlə toqquşma ehtimalı sıfır olaraq qiymətləndirilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.