Dünya

Dünyanın ən hündür körpüsü: üzərində kafesi belə var

17 Yanvar 2026 23:16

Baxış: 1 786

VTB-də minimal faiz dərəcəsi ilə nağd kredit 9.9%-dən

#DÜNYADA #KÖRPÜ

Çin mühəndislik sərhədlərini yenidən keçərək dünyanın ən hündür körpüsünü istifadəyə verib. "Huajiang Canyon" körpüsü təkcə hündürlüyü ilə deyil, həm də turistlərə təklif etdiyi qeyri-adi imkanlarla diqqət çəkir.

Milli.Az nəhəng tikili barədə maraqlı faktları təqdim edir:

Rekord hündürlük: 625 metr
Çinin Quicjou (Guizhou) əyalətində yerləşən bu körpü yerdən tam 625 metr hündürlükdədir. Bu, Londondakı məşhur "The Shard" göydələnindən təxminən iki dəfə hündür deməkdir. Körpü kanyonun iki tərəfi arasındakı gediş müddətini 2 saatdan cəmi 2 dəqiqəyə endirib.

Buludların üzərində qəhvə keyfi
Körpünü unikal edən əsas xüsusiyyətlərdən biri onun sütunlarından birinin zirvəsində yerləşən kafedir:

"Interstellar Coffee" - Vadi səviyyəsindən təxminən 800 metr yüksəklikdə (sütunun hündürlüyü ilə birlikdə) yerləşən bu kafe ziyarətçilərə panoramik mənzərə təqdim edir.

Kafeyə qalxmaq istəyənlər divarları şüşədən olan sürətli liftlə buludların üzərinə çıxırlar.

Adrenalin həvəskarları üçün cənnət
Körpü təkcə sürücülər üçün deyil, həm də turistlər üçün nəzərdə tutulub:

Maşın yolunun bir qədər aşağı hissəsində şüşədən hazırlanmış piyada yolu var. Buradan keçənlər ayaqlarının altındakı 600 metrlik uçurumu görə bilirlər.

Körpüdə "bungee jumping" (hündürlükdən iplə tullanma) və paraşütlə tullanma kimi aktivlərin təşkili də planlaşdırılır.

Lalə Qüdrətova
Milli.Az