Dünya

"Bluetooth" ilə izlənilə bilərsiniz

17 Yanvar 2026 10:31
Baxış: 871
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #MOBİL TELEFON

Belçikanın Leuven Universitetində çalışan alimlər bir çox "Bluetooth" aksesuarında təhlükəli boşluqlar aşkar ediblər. Bu boşluqlar kiberhücumçulara istifadəçiləri gizli şəkildə izləmək və ya dinləmək imkanı yarada bilər.

Milli.Az-ın məlumatına görə, "PhoneArena" nəşri kibertəhlükəsizlik üzrə mütəxəssislərə istinad edərək bildirir ki, "WhisperPair" adı verilən bu zəifliklər Sony, JBL, Marshall, Xiaomi və Nothing kimi tanınmış markaların bəzi qulaqlıq modellərində mövcuddur.

Məlumata əsasən, problem smartfonların qulaqlıqları avtomatik tanıyıb sürətli şəkildə qoşulmasına imkan verən mexanizmlə bağlıdır. Bu texnologiya rahatlıq baxımından üstün olsa da, kifayət qədər güclü təhlükəsizlik yoxlaması aparmır.

Araşdırmalar göstərib ki, hücumçular təxminən 15 metr məsafədən Bluetooth bağlantısı vasitəsilə başqa bir şəxsin qulaqlığına xəbərsiz şəkildə qoşula bilirlər. Bu isə onlara səsləri dinləmək, yazmaq, hətta istifadəçinin yerini müəyyən etmək kimi ciddi risklər yaradır.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.