Dünya

Trampdan İrana yeni təhdid: "Müdaxiləyə hazırıq"

10 Yanvar 2026 23:40

Baxış: 1 517

VTB-də minimal faiz dərəcəsi ilə nağd kredit 9.9%-dən

#IRAN #AMERİKA

ABŞ Prezidenti Donald Tramp İranda səngimək bilməyən etiraz aksiyaları fonunda Tehran rəhbərliyinə qarşı növbəti sərt bəyanatla çıxış edib. Tramp rəsmi Vaşinqtonun baş verənlərə hərbi müdaxilə etməyə hazır olduğunu vurğulayaraq, "İran azadlığa heç vaxt olmadığı qədər yaxındır" ifadəsini işlədib.

Milli.Az xəbər verir ki, ABŞ Prezidenti sosial media hesabında və Ağ Evdə keçirdiyi mətbuat konfransında İranda nümayişçilərə qarşı güc tətbiq olunacağı təqdirdə ABŞ-nin "vurmağa" və müdaxilə etməyə hazır olduğunu bildirib.

Qeyd edək ki, 28 dekabr 2025-ci ildə başlayan etirazlarda yanvarın 9-na olan rəsmi olmayan məlumatlara görə, 15-i təhlükəsizlik əməkdaşı olmaqla cəmi 65 nəfər həyatını itirib, 2311 nəfər isə saxlanılıb.

İranın ali lideri Əli Xamaneyi Trampı öz ölkəsinin işləri ilə məşğul olmağa çağırıb və ABŞ-ni nümayişçiləri təhrik etməkdə ittiham edib.

Prezident Tramp İranın daxili vəziyyətini yaxından izlədiklərini bildirərək, bir neçə həftə əvvəl heç kimin ağlına gəlməyən hadisələrin baş verdiyini - xalqın bəzi şəhərlərdə idarəçiliyi ələ keçirdiyini iddia edib. O, "İranda insanlar öldürülərsə, biz müdaxilə edərik" deyərək hərbi variantın masada olduğunu bir daha xatırladıb.

İranda iğtişaşların əsas səbəbi yerli valyutanın xarici valyutalar (dollar və avro) qarşısında kəskin dəyər itirməsi və bahalçılıq olub.

Lalə Qüdrətova
Milli.Az