Dünya

ABŞ “Qatil robotlar” istehsalına start verdi

21 Dekabr 2025 14:38
Baxış: 1 539
VTB-də minimal faiz dərəcəsi ilə nağd kredit 9.9%-dən
#ABŞ #ROBOT

ABŞ-də hərbi əməliyyatlarda istifadə üçün nəzərdə tutulmuş robotların istehsal planı açıqlanıb.

Milli.Az xəbər verir ki, bir ABŞ şirkəti 2027-ci ilin sonuna qədər 50.000 silahlı humanoid robot istehsal etməyi hədəfləyir.

Şirkətin hazırladığı "Phantom MK-1" modeli 1,75 metr hündürlükdə və 82 kiloqram ağırlığında olacaq. Robotların silahlandırılması planı, sektorun aparıcı şirkətlərindən olan "Boston Dynamics"in silahsız robot istehsalı prinsipi ilə kəskin ziddiyyət təşkil edir.

Şirkət rəhbərliyi bildirir ki, humanoid robotların istifadəsi mülki itkiləri minimuma endirəcək və tətik mexanizmi daim insan nəzarəti altında olacaq. Robotlar birbaşa satışa çıxarılmayacaq; onların icarə modeli ilə, ildə təxminən 100.000 dollar dəyərində istifadə hüququ təklif olunacaq. İstehsal hədəflərinə çatdıqda isə bu, şirkət üçün illik 5 milyard dollarlıq gəlir təmin edə bilər.

ABŞ, Çin və Rusiya kimi ölkələr oxşar texnologiyalar üzərində işlədikləri üçün qlobal hərbi rəqabət artmaqdadır. Bununla yanaşı, Birləşmiş Millətlər Təşkilatı və insan haqları təşkilatları bu robot sistemlərinin "qatil robotlar" adlandırılması və tənzimlənməsi çağırışlarını dəfələrlə irəli sürüblər.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.