Dünya

ABŞ-nin təklif etdiyi yeni sülh planında nə var?

2 Dekabr 2025 22:48
Baxış: 1 093
VTB-də minimal faiz dərəcəsi ilə nağd kredit 9.9%-dən
#RUSİYA-UKRAYNA MÜHARİBƏSİ

ABŞ-nin əvvəlki "28 maddəlik" sülh planı Ukrayna və Avropadakı müttəfiqlər tərəfindən ciddi narazılıq yaratmışdı. İndi müzakirə olunan yeni variantın Rusiyanın maraqlarına əvvəlkindən daha az uyğun olub-olmadığı naməlumdur.

Milli.Az xəbər verir ki, Dublində keçirilən mətbuat konfransında Prezident Zelenski plana dair detallar barədə danışmaqdan yayınaraq bildirib ki, bütün məlumatlar Moskva görüşünün nəticəsində aydın olacaq.

Zelenskinin açıqlamalarında əvvəlki planla müqayisədə ciddi fərqlər görünür:

1. "Ukraynasız Ukrayna ilə bağlı heç nə müzakirə olunmamalıdır."
Zelenski bu fikri xüsusi vurğulayıb. Halbuki hazırda Kremldə Kiyev nümayəndələri iştirak etmədən danışıqlar aparılır.

2. Müharibə cinayətlərinə görə məsuliyyət məsələsi.
Zelenski Rusiyanın törətdiyi müharibə cinayətlərinə görə tribunal yaradılmasının vacibliyini bildirib. Bu, əvvəlki ABŞ planında nəzərdə tutulan "amnistiya" təklifinə tam ziddir.

3. Dondurulmuş Rusiya aktivləri.
Zelenski bu vəsaitlərin Ukraynanın bərpasına yönəldilməsini istəyir. Bu isə Vaşinqtonun Rusiya iqtisadiyyatını yenidən qlobal sistemə qaytarmaq cəhdləri ilə uyğun gəlmir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.