Dünya

Bu əraziyə "qara qar" yağdı

8 Oktyabr 2025 12:20
Baxış: 2 680
VTB-də minimal faiz dərəcəsi ilə nağd kredit 9.9%-dən
#DÜNYADA #HAVA #RUSİYA

Nazarovo şəhərində qara qar yağıb

Milli.Az xəbər verir ki, Rusiyanın Krasnoyarsk diyarına daxil olan Nazarovo şəhərində qeyri-adi təbiət hadisəsi baş verib. Belə ki, qara rəngli qar müşahidə olunub.

Şahidlərin çəkdiyi görüntülərdə boz-qara qarın avtomobillərin və küçələrin üzərini örtməsi aydın görünür. Ekoloq Pavel Qrudovskinin sözlərinə görə, bu hadisə Nazarovo İstilik Elektrik Stansiyasından (GRES) havaya atılan his və sənaye tullantıları ilə bağlıdır.

Şəhər sakinləri də qara qarın stansiyanın fəaliyyəti nəticəsində yaranan çirklənmə ilə əlaqəli olduğunu bildiriblər. Onlar artıq hava keyfiyyətinin kəskin pisləşməsi ilə bağlı rəsmi orqanlara şikayətlər göndəriblər. Nəticədə, yaxın zamanda bölgədə ekoloji yoxlamalar aparılacağı gözlənilir.

Qeyd edək ki, 2024-cü ilin dekabrında oxşar hadisə Kemerovo vilayətinin Kiselyovsk şəhərində də qeydə alınmışdı. Həmin vaxt kömür tozu səbəbindən qar tamamilə qaralmış, hadisənin əsas mənbəyi isə obogatitelnı kombinatın (kömür emalı zavodunun) fəaliyyəti olmuşdu.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.