Dünya

Bu ölkədə həyəcan - Hava məkanını bağladı

25 Sentyabr 2025 11:20

Baxış: 583

VTB-də yüksək depozit faizleri daha çox qazandırır

#DÜNYADA

Danimarkada PUA təhlükəsi səbəbindən ölkənin ikinci ən böyük hava limanı olan Aalborq müvəqqəti bağlanıb.

Milli.Az xəbər verir ki, hava məkanında bir neçə dronun görünməsi yerli hakimiyyəti dərhal tədbir görməyə məcbur edib.

Polis dronların axşam saatlarında müşahidə edildiyini, aerodrom ətrafında hərəkət etdiyini açıqlayıb. Bu səbəbdən eniş və qalxış əməliyyatları dayandırılıb, bir sıra reyslər alternativ hava limanlarına yönləndirilib.

"Eurocontrol" uçuşların 25 sentyabr saat 04:00 GMT-yə qədər dayandırıldığını elan edib.

Danimarka Hərbi Hava Qüvvələri bölgədə təhlükəsizliyi təmin etmək üçün havaya qalxıb. Rəsmi şəxslər əhali və sərnişinlər üçün birbaşa təhlükə olmadığını bildiriblər.

Hadisə iki gün əvvəl Kopenhaqen hava limanı üzərində də dronların qeydə alınmasından sonra baş verib. Danimarka Baş naziri Mette Frederiksen Kopenhaqendakı insidentin ölkənin kritik infrastrukturuna qarşı son illərin ən ciddi təhdidi olduğunu bəyan etmişdi.

Ukrayna prezidenti Volodimir Zelenski isə daha əvvəl Kopenhaqen və Oslo hava limanlarındakı oxşar hadisələrdə Rusiyanı günahlandıraraq NATO-ya cavab verməyə çağırmışdı.

Aalborq hava limanının hərbi baza funksiyası daşıması səbəbindən məsələ NATO daxilində xüsusi diqqətə səbəb olub. Son həftələrdə Polşa, Rumıniya və Estoniya hava məkanlarında da Rusiya mənşəli PUA və döyüş təyyarələrinin pozuntuları qeydə alınıb. NATO baş katibi Mark Rutte baş verənlərə dair açıqlamasında müttəfiqlərin Ukraynaya dəstəyinin belə provokasiyalarla dayandırılmayacağını vurğulayıb.

İsmayıl
Milli.Az