Dünya

ABŞ Cənubi Koreyadan üzr istədi

14 Sentyabr 2025 23:35

Baxış: 275

VTB-də yüksək depozit faizleri daha çox qazandırır

#CƏNUBİ KOREYA

ABŞ dövlət katibinin birinci müavini Kristofer Landau Corciya ştatında cənubi koreyalı tikinti işçilərinin saxlanılması ilə bağlı yaranmış vəziyyətə görə rəsmi Seuldan üzr istəyib.

Milli.Az xəbər verir ki, bu barədə Cənubi Koreya Xarici İşlər Nazirliyi məlumat yayıb.

Məlumata görə, Landau bu məsələni ölkənin xarici işlər nazirinin birinci müavini Pak Yun Cu ilə müzakirə edib. Seul tərəfi vurğulayıb ki, Cənubi Koreya vətəndaşları ABŞ hüquq-mühafizə orqanlarının ədalətsiz münasibəti ilə üzləşiblər və bu, bütün ölkədə mənfi əks-səda doğurub.

Pak Yun Cu ABŞ tərəfinə Cənubi Koreya vətəndaşları üçün yeni viza kateqoriyasının yaradılmasını təklif edib və qeyd edib ki, azad edilmiş şəxslərin ABŞ-a yenidən girişində heç bir məhdudiyyət olmamalıdır.

Landau insidentə görə dərin təəssüfünü bildirib və bu hadisənin iki ölkə arasında münasibətlərin möhkəmləndirilməsi üçün bir fürsət kimi dəyərləndirilməsini təklif edib:

"ABŞ Prezidenti Donald Tramp məsələni nəzarətə götürüb və bu şəxslərin yenidən ölkəyə girişinə məhdudiyyət qoyulmaması ilə bağlı göstəriş verib. Belə hadisələrin təkrarlanmaması üçün hər cür tədbir görüləcək".

Qeyd edək ki, bir neçə gün əvvəl ABŞ-da Cənubi Koreya vətəndaşı olan tikinti işçiləri zorakılıqla saxlanılıb.

Milli.Az