Dünya

“Rusiyada 48 ədəddir, bizdə 1, gülünc vəziyyətdir"

29 Noyabr 2025 11:17

Baxış: 299

VTB-də minimal faiz dərəcəsi ilə nağd kredit 10.49%-dən

#DÜNYADA #RUSİYA #ABŞ #DONALD TRAMP

ABŞ prezidenti Donald Tramp ölkəsinin Arktika imkanları ilə bağlı açıqlama verib.

Milli.Az xəbər verir ki, Tramp ABŞ-nin buzqıran donanması sahəsində Rusiyadan kəskin şəkildə geri qaldığını söyləyib.

Tramp bildirib ki, "bizim bir dənə buzqıran gəmimiz var, Rusiyanın isə 48". O, bu vəziyyəti "sadəcə gülünc" adlandırıb.

Açıqlama müzakirələrə səbəb olsa da, Trampın söylədiyi rəqəmlər müəyyən reallığı əks etdirir. ABŞ-nin hazırda Arktikada tam funksional vəziyyətdə olan cəmi bir ağır buzqıranı olduğu, digərinin isə tez-tez təmirə ehtiyac duyduğu bildirilir.

Qeyd edək ki, Rusiyanın istər say, istərsə də güc baxımından dünyanın ən böyük buzqıran donanmasına sahib olması faktıdır. Moskvada yalnız Arktika marşrutlarının idarəsi üçün onlarla hərəkətə hazır buzqıran mövcuddur və onlardan bir neçəsi nüvə ilə işləyir.

İsmayıl
Milli.Az