ABŞ-da evlərin ətrafında niyə hasar olmur?

ABŞ filmlərinə baxan hər kəs görüb ki, ABŞ-da fərdi evlərin sahibləri öz mülklərinin ətrafına demək olar ki, heç vaxt hasar çəkmirlər. Əksər hallarda evlər sadəcə qazonun ortasında dayanır və yalnız kollarla əhatə olunur.

Maraqlıdır: niyə amerikalılar hasarlardan istifadə etmirlər və bunun qanunla əlaqəsi varmı?

Lent.az xarici mənbəyə istinadla bu mövzunu araşdırıb.

ABŞ-da qanunla hasar çəkmək olarmı?

Əvvəlcə qeyd etmək lazımdır ki, ABŞ-da fərdi evlərin ətrafında hasarın olmaması yüzfaizlik qayda deyil. Hasarlanmış evlər də var, amma onların sayı tamamilə açıq olanlardan qat-qat azdır. Təbii ki, Hollivudda hər hansı məşhurun villası hündür hasar və müşahidə kameraları ilə qorunacaq. Ancaq Amerikanın böyük hissəsi doğrudan da belədir - qazonun ortasında təkbaşına duran evlər. Belə evlərdə hasar olsa da, adətən hündür deyil, aşağı taxta çəpərdən ibarət olur və arxa həyətdə uşaq meydançasını, kiçik bağı və ya hovuzu əhatə edir.

Ukraynada isə fərdi ev üçün hasar çəkmək təkcə adət deyil, həm də tamamilə vacib sayılır. Hətta insanlar onu bacardıqları qədər hündür tikməyə çalışırlar ki, nə qonşular, nə də yoldan keçənlər həyətin içinə baxa bilməsinlər. ABŞ-da isə hər şey tam fərqlidir.

Ev sahibləri assosiasiyalarının qaydaları

Amerikada bütün fərdi evlər müəyyən ev sahibləri assosiasiyalarının idarəsi altında olur. Bu, kooperativə bənzəyir, amma daha geniş sosial və ciddi hüquqi məna daşıyır. Hər assosiasiyanın qaydalarında həyətin necə görünməli olduğu, hasarın necə olacağı, hətta evin özü barədə də müddəalar olur. Bəzən sakinlər üçün istisnalar edilir, məsələn, kimsə it saxlayırsa və ya uşaqlar üçün ağacda evcik qurursa. Amma ümumi qaydaları hər kəsin riayət etməsi vacibdir.

Tikinti xərcləri və sahənin ölçüləri

Bundan başqa, keyfiyyətli, hündür hasar tikmək ucuz başa gəlmir, amerikalılar isə praktik insanlardır və pul xərcləməyi sevmirlər. Üstəlik, böyük hasar həyətin böyük hissəsini "yeyir" ki, bu da kiçik sahələrdə əlverişsizdir. Əgər ev qarajla birləşibsə (bu, demək olar ki, həmişə belədir), onda əvvəlcə hasarın qapısını, sonra qarajın qapısını açmaq həm vaxt aparır, həm də əlverişsizdir.

Yanğın təhlükəsizliyi

ABŞ-da hündür hasarların qadağan olunmasının başqa bir səbəbi - yanğın təhlükəsizliyi qaydalarıdır. ABŞ-da evlərin böyük hissəsi karkas konstruksiyalardan tikilir və asanlıqla alışa bilər. Yanğın baş verərsə, sakinlər dərhal evi tərk etməlidirlər. Vaxtı darvaza açmağa sərf etmək həyatı bahasına başa gələ bilər. Bundan başqa, yanğınsöndürmə maşınının heç bir maneəsiz hadisə yerinə qədər yaxınlaşması vacibdir. Hasar bu prosesi çətinləşdirə və fövqəladə vəziyyətin həllinə mane ola bilər.

Din

Amerikalıların çoxu katolikdir, amma protestantlar, mormonlar və digər dinlərə mənsub insanlar da Bibliya qanunlarına uyğun yaşayırlar. Onlardan biri deyir ki, insan elə yaşamalıdır ki, gizlədəcək heç nə olmasın. Buradan da bu ənənə yaranıb - heç bir hasar çəkməmək. Amerikalılar qonşulardan heç nə gizlətməyə adət etməyiblər, üstəlik, bilirlər ki, mülkiyyət toxunulmazlığına dair qanunlar sayəsində heç kim onların evinə girə bilməz. Əgər belə hal baş versə belə, məsələn, Texasda hər bir ev sahibi tüfəngdən istifadə etmək hüququna malikdir.

Milli.Az