Dünya

UFC tarixində ilk - Ağ Evdə döyüş olacaq

30 Avqust 2025 12:45

Baxış: 1 427

VTB-də minimal faiz dərəcəsi ilə nağd kredit 9.9%-dən

#DÜNYADA #MMA #ABŞ #UFC

Mütləq Döyüş Çempionatının (UFC) baş direktoru Dana Uayt ABŞ Prezidenti Donald Trampın Ağ Evdə UFC turniri keçirmək ideyasını reallaşdıracağını bildirib.

Milli.Az xəbər verir ki, UFC prezidenti Dana Uayt təsdiqləyib ki, təşkilat 2026-cı il iyulun 4-də Ağ Evdə canlı döyüş tədbiri keçirəcək.

O, sosial mediada yayımlanan videoda "Əla gün idi... Ağ Evdə döyüş davam edir. Biz bunu bu gün etdik" deyə bildirib və yaxın həftələrdə daha ətraflı məlumat veriləcəyini əlavə edib.

Qeyd edək ki, ABŞ prezidenti Donald Tramp ötən ay UFC tədbirinin Ağ Ev qazonunda təşkil olunması ideyasını irəli sürmüşdü. O, bunun ölkənin 250 illik yubileyinə həsr olunacağını açıqlamışdı.

Beləliklə, UFC tarixində ilk dəfə olaraq dünyanın ən məşhur döyüş arenası Ağ Ev olacaq.

Fidan
Milli.Az