Dünya

5700 manata körpə alan qadın həbs olundu

2 Avqust 2025 00:14

Baxış: 1 165

VTB-də minimal faiz dərəcəsi ilə nağd kredit 9.9%-dən

#DÜNYADA

Dağıstanda körpə alan qadın insan alverinə görə azadlıqdan məhrum edilib.

Milli.Az xəbər verir ki, Dağıstanda bir qadın yeni doğulmuş körpəni 300 min rubl (təxminən 5700 manat ) müqabilində alaraq insan alverində təqsirli bilinib. Bu barədə Rusiyanın İstintaq Komitəsinin regional idarəsi Lenta.ruya məlumat verib.

Məhkəmənin qərarına əsasən, qadın 3 il müddətinə ümumi rejimli cəzaçəkmə müəssisəsinə göndəriləcək. Lakin cəzasını yalnız övladı 14 yaşına çatdıqdan sonra çəkməyə başlayacaq.

İstintaqın məlumatına görə hadisə 2024-cü ilin sonunda baş verib. Təqsirləndirilən şəxs hamilə olan yerli qadına pul verərək, doğulacaq körpəni ona təhvil verməsini razılaşdırıb. 1 yanvar tarixində doğuşdan sonra uşaq qadına təhvil verilib.

Qeyd edək ki, qadın Rusiya Federasiyası Cinayət Məcəlləsinin 127.1-ci maddəsi - "İnsan alveri" üzrə təqsirli bilinib.

Milli.Az