Dünya

Netanyahuya sui-qəsd cəhdi - Partlayıcı qurğu ilə...

24 İyul 2025 12:34

Baxış: 1 062

VTB-də minimal faiz dərəcəsi ilə nağd kredit 9.9%-dən

#HADİSƏ #İSRAİL #SUİ-QƏSD

İsrailin Şin Bet kəşfiyyat agentliyi baş nazir Binyamin Netanyahuya əldəqayırma partlayıcı qurğu ilə sui-qəsd hazırlamaqda şübhəli bilinən qadının həbs edildiyini açıqlayıb.

Milli.Az xəbər verir ki, açıqlamaya görə, şübhəli şəxs əldəqayırma partlayıcı qurğu ilə Netanyahuya hücum etməyi planlaşdırarkən yaxalanıb.

Şübhəli barəsində "cinayət törətmək üçün sui-qəsd" və "terror aktı planlaşdırma" maddələri ilə ittiham aktının hazırlanacağı bildirilib. İsrailin aparıcı media orqanı olan KAN-ın xəbərinə görə, sözügedən şəxs təxminən iki həftə əvvəl saxlanılıb. İlkin dindirilmələrdən sonra şübhəli dövlət qurumlarına girməsinə qadağa qoyulması və Netanyahuya yaxınlaşmaması şərti ilə sərbəst buraxılıb.

Qeyd edək ki, bir neçə gün öncə də Netanyahu qidadan zəhərlənmişdi.

Milli.Az