Dünya

Prezidentliyinə namizəd çıxışı zamanı güllələndi

8 İyun 2025 21:37

Baxış: 1 742

VTB-də minimal faiz dərəcəsi ilə nağd kredit 9.9%-dən

#KOLUMBİYA

Kolumbiyalı senator və gələn il keçiriləcək prezident seçkilərində namizəd olması gözlənilən Miguel Uribe, paytaxt Boqotada keçirilən seçki kampaniyası tədbiri zamanı güllələnib.

Milli.Az xarici mətbuata istinadən xəbər verir ki, Uribe ilkin cərrahi əməliyyatdan sağ çıxıb, lakin vəziyyəti kritik olaraq qalır.

Merin sözlərinə görə, 39 yaşlı siyasətçi "ilk cərrahi müdaxiləni adlayıb" və "bərpa prosesinin kritik saatlarına" daxil olub.

Uribenin yerləşdirildiyi Santa Fe Fondu Xəstəxanası bazar günü yaydığı açıqlamada bildirib ki, o, baş və sol bud nahiyəsindən əməliyyat olunub, hazırda isə reanimasiya şöbəsində müalicə alır və vəziyyəti stabilləşdirmək üçün həkimlərin nəzarətindədir.

Hadisə 7 iyun şənbə günü baş verib. Uribe 2026-cı il prezident seçkiləri kampaniyası çərçivəsində çıxış etdiyi tədbirdə silahlı şəxslər tərəfindən arxadan vurulub. Onun həyat yoldaşı Maria Klaudia Tarazona sosial şəbəkədə (X) bildirib ki, Uribe "həyat uğrunda mübarizə aparır."

Uribe, sabiq prezident Alvaro Uribe tərəfindən yaradılmış müxalif mühafizəkar "Demokratik Mərkəz" partiyasının üzvüdür. Adlarının eyni olmasına baxmayaraq, onların hər hansı qohumluğu yoxdur.

Kolumbiyanın Baş Prokurorluğu hücumla bağlı araşdırmaya başladığını bildirib. Rəsmi məlumata görə, hücum zamanı senator iki güllə yarası alıb və iki nəfər də yaralanıb. Hadisə yerində silahla yaxalanan 15 yaşlı yeniyetmə həbs olunub.

Hökumət bu cinayət işində məlumat verəcək şəxslərə 730 min dollar mükafat təklif edib.

Kolumbiya Prezidentliyi məsələ ilə bağlı açıqlama verərək, hücumun qəti şəkildə pisləndiyini və geniş miqyaslı araşdırma aparılacağını bəyan edib.

Lalə Qüdrətova
Milli.Az

Milli.Az - Xəbər Portalı

Prezidentliyinə namizəd çıxışı zamanı güllələndi

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?