Dünya

Tramp Putinə vaxt verdi - Rusiyadan reaksiya

29 May 2025 17:00
Baxış: 1 363
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ #RUSİYA-UKRAYNA MÜHARİBƏSİ

ABŞ Prezidenti Donald Tramp Rusiya Prezidenti Vladimir Putinə Ukrayna müharibəsini dayandırmaq üçün vaxt verdiyini açıqlayıb, lakin Kreml Putinin Trampla danışmaq planının olmadığını bildirib.

Milli.Az xəbər verir ki, Tramp çərşənbə günü jurnalistlərə açıqlamasında "Onun bizi aldatdığını bilsək, fərqli reaksiya verəcəyik. Bu da təxminən bir həftə yarım və ya iki həftə çəkəcək," deyə bildirib. Müharibənin bitməsinə dair Putinin istəyi ilə bağlı suala isə Tramp, "Bunu deyə bilmərəm, amma təxminən iki həftəyə sizə deyəcəyəm," cavabını verib.

Raket və pilotsuz aparat hücumları ilə bağlı "Bu qəbuledilməzdir, buna icazə verə bilmərik," deyə narahatlığını ifadə edən Tramp Moskvanın son hücumlarından "çox məyus olduğunu" da bildirib.

Buna baxmayaraq, Kremlin sözçüsü Dmitri Peskov cümə axşamı açıqlamasında Putinin Trampla danışmaq planı olmadığını deyib. Bu açıqlama Rusiyanın cəbhədə irəliləyişlər əldə etdiyi bir vaxta təsadüf edib.

İsmayıl
Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.