Dünya

Koronavirus bu ölkədə yenidən sürətlə yayılır - Yoluxma sayı 5 qat artdı

28 May 2025 14:40

Baxış: 1 436

VTB-də minimal faiz dərəcəsi ilə nağd kredit 9.9%-dən

#DÜNYADA #HİNDİSTAN #KORONAVİRUS

Hindistanda koronavirusa yoluxma halları bir həftə ərzində 257-dən 1010-a yüksələrək 5 dəfə artıb.

Milli.Az xəbər verir ki, ən yüksək artım 335 yeni yoluxma ilə Kerala əyalətində qeydə alınıb. Artım COVID-19-un NB.1.8.1 və LF.7 adlı iki yeni alt variantının ortaya çıxması ilə bağlıdır.

Ümumdünya Səhiyyə Təşkilatı bu variantları yaxından izləyir və ilkin məlumatlara görə, yoluxuculuq yüksək olsa da, xəstəliyin şiddətində ciddi artım müşahidə olunmayıb. NB.1.8.1 variantı insan hüceyrələrinə daha güclü bağlanaraq daha sürətlə yayıla bilər.

Ekspertlər bildirir ki, yeni yoluxmalarda simptomlar əsasən yüngül keçir və panikaya ehtiyac yoxdur. Lakin hökumətlər vətəndaşları gigiyena qaydalarına əməl etməyə çağırır. Hindistan Səhiyyə Nazirliyi xəstəxanaların artan xəstə sayına hazır olduğunu açıqlayıb.

COVID-19-un yeni simptomları daha yüngüldür və boğaz ağrısı, yorğunluq, yüngül öskürək, əzələ ağrıları, qızdırma kimi özünü göstərir. Peyvəndlərin yeni variantlara qarşı təsiri davamlı izlənilir.

Hindistan 2020-ci ildən bəri iki böyük dalğa yaşayıb və ölkədə 5 milyondan çox insanın həyatını itirməsinə səbəb olub. Kerala əyaləti epidemiyanın başlanğıcında ağır zərər görən bölgələrdən biri idi. Rəsmi şəxslər vəziyyətin nəzarətdə olduğunu və panikadan qaçmağı tövsiyə edir.

Fidan
Milli.Az