Dünya

Ermənilər yenə etiraz edir - Yolu bağladılar

10 Aprel 2025 12:36

Baxış: 1 590

VTB-də minimal faiz dərəcəsi ilə nağd kredit 9.9%-dən

#ERMƏNİSTAN #NƏQLİYYAT #AKSİYA

Ermənistanın Kasax (Abaran) və Proşyan kəndlərinin sakinləri hökumətin nəqliyyatla bağlı tətbiq etdiyi yeni dəyişikliklərə etiraz edərək Aştarak-İrəvan yolunu bağlayıblar.

Milli.Az xəbər verir ki, etirazçıların bildirdiyinə görə, hökumət əvvəl vergi və rüsumları artırıb, indi isə gediş haqqını qaldırıb.

Sakinlər yeni tətbiq olunan mikroavtobusların əlil insanlar üçün uyğun olmadığını və maşınların sayının azaldığını qeyd edərək, bu səbəbdən nəqliyyatın daha uzun fasilələrlə işləyəcəyini bildiriblər. Aksiyanın iştirakçıları əvvəllər Kasax və İrəvan arasındakı 59 saylı avtobus marşrutunun ləğv edilməsini və yerinə sərnişindaşıma xidmətinin mikroavtobuslarla, baha qiymətə təqdim edilməsini tənqid edirlər.

Onlar həmçinin, əvvəlki marşrutların bərpa edilməsini və yeni mikroavtobusların daha əlverişli olmasını tələb edirlər.

Fidan
Milli.Az