Dünya

"Trampın Ərdoğanla münasibətləri yaxşıdır, bizə kömək etsin"

8 Aprel 2025 12:07

Baxış: 1 034

VTB-də minimal faiz dərəcəsi ilə nağd kredit 9.9%-dən

#DÜNYADA #TÜRKİYƏ #İSRAİL #ABŞ

ABŞ Prezidenti Donald Tramp və İsrailin Baş naziri Netanyahu Ağ Evdə görüşüb. Görüşdən sonra Oval Ofisdə açıqlama verən Netanyahu bildirib: "Suriyanın bizə qarşı hücum bazası kimi istifadə edilməsini istəmirik. Suriyada Türkiyə ilə qarşıdurma istəmirik. Trampın Ərdoğanla münasibətləri yaxşıdır, bizə kömək etməsini istəyirik."

ABŞ Prezidenti Donald Tramp Netanyahu ilə yeni vəzifə dönəmində ikinci dəfə görüşüb.

Milli.Az haberler-ə istinadla xəbər verir ki, mətbuat konfransı keçirilməsə də, Oval Ofisdə jurnalistlərə qısa açıqlama verilib.

Netanyahunun çıxışı diqqət çəkib. "Suriyanın heç bir ölkə tərəfindən İsrailə qarşı hücum bazasına çevrilməsini istəmirik. Türkiyə ilə qarşıdurma istəmirik. Trampın Ərdoğanla yaxın münasibətindən istifadə edərək bizə yardım etməsini istəyirik. Türkiyə ilə bu qarşıdurmanı necə önləyə biləcəyimizi müzakirə etdik. ABŞ prezidentindən daha yaxşı vasitəçi ola bilməz."

Tramp isə açıqlamasında bildirib: "İranla birbaşa təmasdayıq. Görüşlər şənbə günü davam edəcək. İranla hər hansı razılaşmada İsrailin də iştirak etməsini istəyirik, amma qarşıdurmadan da qaçırıq. Əgər İranla razılaşma mümkün olmasa, lazım olanı edəcəyik. Bir çox ölkə bizimlə danışıqlar apararaq gömrük tarifləri mövzusunda razılaşma əldə edəcək. Gömrük tarifləri qalıcı ola bilər, amma danışıqlar da mümkündür."

Tramp əlavə edib ki, Qəzza zolağında atəşkəs üçün yeni razılaşma üzərində işləyirlər və "Qəzzadakı müharibə yaxın vaxtlarda sona çatacaq," - deyə bildirib.

İslam
Milli.Az