Dünya

Yerə 15 mərtəbəli bina böyüklüyündə asteroid yaxınlaşır

4 Aprel 2025 10:36

Baxış: 1 855

VTB-də minimal faiz dərəcəsi ilə nağd kredit 9.9%-dən

#NASA #ASTEROİD

NASA Yerə düşmə ehtimalı olan 2024 YR4 asteroidinin təxminən 15 mərtəbəli bina hündürlüyündə olduğunu açıqlayıb.

Milli.Az NASA-ya istinadən xəbər verir ki, Webb Kosmik Teleskopu 2032-ci ildə Yerə düşmə ehtimalı olan asteroidin ətraflı görüntülərini əldə edib. Keçən il kəşf olunan və ilk hesablamalara görə Yerə düşmə ehtimalı 3 faiz olan bu asteroid qlobal miqyasda təşviş yaratmışdı.

Lakin sonrakı müşahidələr nəticəsində təhlükənin demək olar ki, sıfıra endiyi bildirilib. Bununla belə, asteroidin Aya dəymə ehtimalı hələ də mövcuddur.

NASA və Avropa Kosmik Agentliyinin (ESA) yayımladığı görüntülər asteroidin təxminən 60 metr diametrə sahib olduğunu göstərir. Bu da təxminən 15 mərtəbəli bina hündürlüyünə bərabərdir.

Webb teleskopu kosmosa göndərilmiş ən böyük və güclü teleskop olmasına baxmayaraq, bu asteroid onun müşahidə etdiyi ən kiçik obyektlərdən biri olub.

Johns Hopkins Universitetinin astronomu Endryu Rivkin bildirib ki, Webb-in bu müşahidələri gələcəkdə Yer üçün təhlükə yarada biləcək asteroidlərin izlənməsi baxımından çox vacib sınaqdır. Yerüstü teleskoplar da son aylarda bu kosmik cismi müşahidə etməyə davam ediblər./Baku.ws

Milli.Az