Dünya

"Apple" şirkəti və İlon Mask arasında qarşıdurma

31 Mart 2025 10:52

Baxış: 686

VTB-də minimal faiz dərəcəsi ilə nağd kredit 9.9%-dən

#DÜNYADA

"Apple" şirkətinin peyk əsaslı telefon bağlantısı imkanlarını genişləndirmək səyləri milyarder İlon Maskın narazılığına səbəb olub.

Milli.Az valyuta.az-a istinadən xəbər verir ki, hər iki tərəf mobil siqnalların ötürülməsi üçün məhdud hava dalğaları - spektrum hüquqları uğrunda mübarizə aparır.

Nəşrin mənbələrinə əsasən, İlon Mask federal tənzimləyicilərə təzyiq göstərərək "Apple"ın peyk donanmasını genişləndirmə planlarını ləngitməyə çalışır.

Mübahisənin kulminasiya nöqtəsi "SpaceX" və tərəfdaşı "T-Mobile"ın "Apple" ilə "iPhone" cihazlarında "Starlink" xidmətinin istifadəsinə dair apardığı danışıqlardan sonra yaşanıb. Artıq tərəflər arasında razılaşma əldə olunub və bu yay istifadəyə veriləcək yeni "iPhone" modellərində "SpaceX" və "T-Mobile"ın peyk əsaslı mobil xidməti problemsiz işləyəcək.

"Apple"ın peyk xidmətləri üzrə tərəfdaşı olan "Globalstar" hal-hazırda bu cihazlar üçün bağlantı imkanlarını təmin edən peykləri orbitə çıxarmaq üçün "SpaceX" şirkətindən istifadə edir. Lakin "Wall Street Journal" qeyd edir ki, sənaye mütəxəssisləri yalnız "Globalstar"ın "Apple"ın ambisiyalarını reallaşdırmaqda kifayət etməyəcəyini düşünürlər.

Buna qarşılıq "SpaceX" öz "Starlink" xidməti vasitəsilə daha geniş əhatə zonası təklif edən böyük bir peyk donanmasına sahibdir.

Milli.Az