PUL
.jpg)
Microsoft-un həmtəsisçisi, amerikalı milyarder Bill Qeyts süni intellektin insanların yerini ala bilməyəcəyi üç əsas sahəni açıqlayıb.
Milli.Az xarici mediaya istinadıa xəbər verir ki, o, proqram təminatı, biologiya və enerji sahələrinin bu baxımdan xüsusilə vacib olduğunu qeyd edib.
Süni intellektin dünya üçün əhəmiyyəti hər gün daha da artarkən, bir çox sahənin avtomatlaşdırma və robotlaşma ilə dəyişəcəyi iddia edilir. Ancaq Qeyts bəzi sektorların hələ də insan müdaxiləsinə ehtiyacı olduğunu vurğulayır.
Bill Qeyts süni intellektin texniki və təkrarlanan tapşırıqlarda üstünlük təşkil etdiyini, amma yaradıcı düşüncə və kompleks analiz tələb edən işlərdə insan zəhmətinin əvəz edilə bilməyəcəyini qeyd edib. Onun fikrincə, proqram təminatı, biologiya və enerji sahələrində hələ də yüksək səviyyədə insan təcrübəsi və bacarığına ehtiyac var.
Qeyts bu üç sahəni süni intellektin effektiv olmasına baxmayaraq, gələcəkdə də vacib olaraq qalacaq peşə qrupları kimi tanıdır. Proqram təminatının yaradılması, bioloji tədqiqatlar və enerji sektoru, dərin bilik və yaradıcılıq tələb edən sahələrdir və bu sahələrdə insanların qərar vermə qabiliyyəti hələ də əvəzolunmazdır.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
