Dünya

Mafiya başçısı saxlanıldı, görün hara gedəndə... - FOTO

24 Mart 2025 18:31

Baxış: 2 470

VTB-də minimal faiz dərəcəsi ilə nağd kredit 9.9%-dən

#POLİS #COLOMBİA #CİNAYƏT #İTALİYA #MAFİYA

İki il polisdən gizlənən italyan mafiya başçısı Kolumbiyada tutulub.

Milli.Az xarici mediaya istinadla bildirir ki, Dollarino kimi tanınan mafioz Emanuele Qreqorini çərşənbə axşamı, martın 18-də Bolivar departamentinin Kartaxena şəhərində saxlanılıb. Kolumbiya polisi onu "Latın Amerikasında italyan mafiyasının lideri" adlandırıb. Müstəntiqlərin fikrincə, o, Kolumbiyadan Avropaya kokainin çatdırılmasında əsas rol oynayıb.

Qreqorini İtaliya, Britaniya və Kolumbiya təhlükəsizlik qüvvələrinin təşkil etdiyi böyük beynəlxalq əməliyyat nəticəsində həbs edilib. Məlumata görə, mafiya başçısı Kartaxenada idman zalına gedərkən saxlanılıb. O, alış-veriş edərkən, restoranlarda və idman zalında olarkən lentə alınıb.

Kolumbiya prokurorları bildiriblər ki, Qreqorininin həbsi italyan mafiyasının Latın Amerikasında mövqelərinin güclənməsindən xəbər verir. 2020-ci ildə Dollarino İtaliya mafiyası üçün çirkli pulların yuyulmasında iştirak ittihamı ilə artıq Romada həbs edilmişdi. Onun necə azad olduğu bildirilməsə də, 2023-cü ildə polis onun harada gizləndiyini müəyyən etməyə çalışıb. /Lent.az

Milli.Az