Dünya

Zelenski: ABŞ Rusiyanı buna inandırmalıdır

11 Mart 2025 23:19
Baxış: 1 081
VTB-də minimal faiz dərəcəsi ilə nağd kredit 9.9%-dən
#RUSİYA-UKRAYNA MÜHARİBƏSİ

"ABŞ tərəfi bizim arqumentlərimizi başa düşür, təkliflərimizi qəbul edir, komandalarımız arasında konstruktiv söhbətə görə prezident Donald Trampa təşəkkür etmək istəyirəm."

Milli.Az xəbər verir ki, bunu Ukrayna Prezidenti Volodimir Zelenski deyib.

Zelenski həmçinin bildirib ki, ABŞ Səudiyyə Ərəbistanında keçirilən danışıqlarda Rusiyanı Vaşinqton tərəfindən irəli sürülən 30 günlük atəşkəs təklifini qəbul etməyə inandırmalıdır.

"ABŞ tərəfdən təklif gəldi ki, Rusiya dərhal ilk addımı atsın. Bu, təkcə raket, pilotsuz təyyarə və bombalarla bağlı deyil. Həmçinin təkcə Qara dənizdə deyil, bütün cəbhə xətti boyunca 30 gün ərzində tam atəşkəs yaratmağa çalışaq", - Zelenski bildirib.

O həmçinin Ukrayna tərəfinin ABŞ tərəfindən irəli sürülən təklifin müsbət addım olduğunu deyib.

"Ukrayna bu təklifi alqışlayır, bunu müsbət hesab edirik, belə bir addım atmağa hazırıq, Ukrayna sülhə hazırdır. Rusiya müharibəni bitirməyə və ya davam etdirməyə hazır olduğunu nümayiş etdirməlidir.", - deyə Zelenski qeyd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.