Dünya

Almaniya 34 milyon avro cərimə ödəməli olacaq

9 Mart 2025 10:25
Baxış: 759
VTB-də minimal faiz dərəcəsi ilə nağd kredit 9.9%-dən
#ALMANİYA

Almaniya hökuməti Avropa İttifaqının (Aİ) bir direktivini vaxtında həyata keçirmədiyi üçün 34 milyon avro cərimə ödəməli olacaq.

Trend xəbər verir ki, bu barədə Lüksemburqda yerləşən Avropa Ədalət Məhkəməsi qərar qəbul edib.

Aİ-yə üzv olan 27 ölkə 2021-ci ilə qədər informatorların (whistleblower) qorunmasına dair yeni qaydaları milli qanunvericiliklərinə daxil etməli idi. Almaniyada bu məsələ ilə bağlı Bundestaq və Əyalət Nümayəndələri Şurası (Bundesrat) arasında fikir ayrılığı yarandığı üçün qaydalar yalnız iki il gecikmə ilə qüvvəyə minmiş və bu, ciddi maliyyə nəticələrinə gətirib çıxarmışdı.

Avropa Komissiyasının rəhbəri Ursula fon der Lyanenin şikayəti əsasında məsələyə baxan Avropa Ədalət Məhkəməsi Almaniya da daxil olmaqla beş ölkəyə cərimə təyin edib. Almaniyadan əlavə, Lüksemburq, Çexiya, Macarıstan və Estoniya da cərimələnib. Lakin onların ödəməli olduğu məbləğlər 375 min avrodan 2,3 milyon avroya qədər dəyişir. Polşaya qarşı isə artıq 2024-cü ilin aprelində sanksiyalar tətbiq edilib.

Qeyd edək ki, Aİ 2019-cu ildə feysbuk məlumat sızması və "Panama sənədləri" kimi qalmaqalların informatorlar sayəsində üzə çıxacağını nəzərə alaraq, onların məlumat ötürməsini təhlükəsiz şəkildə təmin edən qaydalar qəbul etmişdi. Qaydalara əsasən, üzv dövlətlər 2021-ci ilə qədər korrupsiya, çirkli pulların yuyulması və vergi qanun pozuntuları barədə məxfi məlumat vermək üçün müvafiq şərait yaratmalı idilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.