Dünya

İspaniyada dəhşətli kanat qəzası - onlarla yaralı, 80 nəfər sıxılmış vəziyyətdə qalıb

18 Yanvar 2025 19:54

Baxış: 1 835

VTB-də minimal faiz dərəcəsi ilə nağd kredit 9.9%-dən

#İSPANİYA

İspaniyanın Aragon bölgəsində, Astun dağ-xizək kurortunda şənbə günü kanat yolunun qəzaya uğraması nəticəsində onlarla insan yaralanıb. 9 nəfərin vəziyyəti çox ağır, 8 nəfərin vəziyyəti isə ciddi olaraq qiymətləndirilir. Bu barədə bölgənin yerli hakimiyyəti məlumat verib.

Milli.Az xəbər verir ki, dövlət televiziya kanalı TVE-nin məlumatına görə, təxminən 80 nəfər kanat yolunun oturacaqlarında havada asılı vəziyyətdə qalıb.

Bir şahidin TVE-yə verdiyi açıqlamada belə deyilir:

"Sanki kabel qopub, oturacaqlar silkələnib və insanlar aşağı atılıb."

Kanat yolunun sıradan çıxma səbəbi hələ də məlum deyil.

Astun xizək kurortunun idarəçiliyi hələlik hadisə ilə bağlı açıqlama verməyib.

Zərərçəkənlər arasında əcnəbilərin olub-olmadığı hələ təsdiqlənməyib.

Xilasetmə işləri davam edir və bölgədə bir neçə helikopter işləyir. Helikopterlər sıxışıb qalan xizəkçiləri təxliyə edir və yaralıları yaxınlıqdakı xəstəxanalara çatdırır.
Astun xizək kurortu, əsasən, İspaniyalı xizəkçilər arasında məşhurdur və Fransa ilə sərhədə yaxın, Pireney dağ silsiləsində yerləşir.

Kanat yolları Pakistanın şimal dağlıq bölgələrində də geniş istifadə olunur, lakin bu qəza onların təhlükəsizliyi ilə bağlı suallar doğurur.

Lalə Qüdrətova
Milli.Az