Dünya

Puerto Rikonun 90%-i işıqsız qaldı

31 Dekabr 2024 21:31
Baxış: 924
VTB-də minimal faiz dərəcəsi ilə nağd kredit 9.9%-dən
#DÜNYADA

Puerto Rikonun enerji şəbəkəsindəki ciddi nasazlıq genişmiqyaslı elektrik kəsintisinə səbəb olub. Bu barədə qubernator Pedro Pierluisi öz "X" hesabında məlumat paylaşıb.

Yeni il gecəsi baş verən kəsinti, Kanadalı-Amerikalı enerji şirkəti LUMA Energy-nin məlumatına görə, təxminən 1,3 milyon istifadəçini, yəni müştərilərin 88%-ni işıqsız qoyub.

"San Juan və Palo Seco elektrik stansiyaları ilə xidmətin bərpası üçün artıq işlər aparılır," deyə Pierluisi bildirib.

"Biz həm LUMA-dan, həm də Genera-dan cavab və həll yolları tələb edirik. Onlar nasazlıq zonasından kənardakı generasiya vahidlərinin işə salınmasını sürətləndirməli və əhaliyə bütün adada xidməti bərpa etmək üçün gördükləri tədbirlər barədə məlumat verməlidirlər."

LUMA Energy-nin Fövqəladə Hallar Əməliyyat Mərkəzi, Genera və digər enerji əməkdaşları ilə birgə, çərşənbə axşamı səhər saat 5:30-da başlayan ümumi elektrik kəsintisindən sonra adanın elektrik sistemini mümkün qədər tez bərpa etməyə çalışır.

Şirkətin məlumatına görə, tam bərpa prosesi təxminən bir-iki gün çəkəcək.

Bu kəsinti, Puerto Rikonun kütləvi miqyasda təkrar-təkrar nasazlıq göstərən qeyri-sabit elektrik sisteminin son uğursuzluqlarından biridir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.