Dünya

Gözlənilən müharibə BAŞLADI: hədəf Tehrandır

29 Dekabr 2024 10:14
Baxış: 5 220
VTB-də minimal faiz dərəcəsi ilə nağd kredit 9.9%-dən
#DÜNYADA #IRAN #ISRAEL

İsrailin Baş naziri Benyamin Netanyahu Təl-Əvivin işi tamamlanana qədər Yəmən husilərinin atəşə tutulacağını açıqlayıb.

Baş nazir əsas hədəfin İranın proksisi olan "Ənsar Allah" qruplaşmanın məhv edilməsi olduğunu bildirib. Netanyahu bundan öncə Tehranı təhdid edib və onun "terror qolları"nı kəsəcəyini deyib.

Təl-Əviv və Tehran münasibətlərində artan gərginlik növbəti ildə müharibə ilə nəticələnə bilərmi?

Globalinfo.az-a danışan politoloq Zaur Məmmədov deyib ki, İsrail ilə İran arasında müharibə çoxdan başlayıb və bu gün də davam edir:

"Təbii ki, söhbət klassik müharibədən getmir. Yəni hazırda İran, ya da İsrail ərazisində aktiv döyüşlər aparılmır. İki ölkə arasındakı münaqişə çərçivəsində proksi müharibə gedir. Bu isə daha dağıdıcı və yorucu müharibə metodudur.

2024-cü il həm də İran-İsrail gərginliyində qarşılıqlı olaraq ərazilərin birbaşa vurulması ilə yadda qaldı. Mövcud vəziyyətlərdə bu kimi insidentlər ola bilir. İsrail Suriyada, Livanda, Qəzzada və Yəməndə əməliyyatlar keçirərək İranın bu ölkələrdəki proksi qüvvələrinə zərbələr vurub gücdən salmağa çalışır. Husilər Təl-Əvivin planının növbəti mərhələsidir.

Netenyahu İrana hücum öncəsi nəzərdə tutuıan addımları yekunlaşdırmaq istəyir. Proksilər tam sıradan çıxarıldıqdan sonra Təl-Əviv üzünü birbaşa Tehrana tutacaq".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.