Dünya

Əsədin milyardları - Araşdırma başladı

15 Dekabr 2024 22:58
Baxış: 3 576
VTB-də minimal faiz dərəcəsi ilə nağd kredit 9.9%-dən
#SURİYA

Suriyada 61 illik BƏƏS rejiminin devrilməsindən sonra Əsəd ailəsinin qaçırdığı pulların axtarışına başlanılıb. 

Milli.Az xəbər verir ki, Suriyada hakimiyyət sürən 50 illik Əsəd sülaləsinin süqutundan sonra ailənin qaçırdığı milyardlarla dollarlıq nağd pul və əmlak üçün dünya üzrə geniş axtarış başladılıb.

İraqın devrilmiş lideri Səddam Hüseyn və Liviyanın devrilmiş lideri Müəmmər Qəddafinin xaricdə gizlətdiyi sərvətləri geri qaytarmaq üçün illərdir davam edən səylərdən sonra indi də Əsədin itkin milyardlarının izi ilə gedilir.

Wall Street Journal qəzetində yayımlanan xəbərə görə, 1970-ci ildə Suriyada hakimiyyəti ələ keçirən Əsəd ailəsi genişmiqyaslı investisiya və ticarət maraqları şəbəkəsi qurub. Əsəd ailəsinin sərvətini araşdıran qurumlar, Bəşər Əsədin qohumlarının Rusiyada birinci sinif daşınmaz əmlaklar, Vyanada butik otellər və Dubayda özəl təyyarə aldıqlarını müəyyən edib. İnsan haqları üzrə hüquqşünaslar, Suriya xalqı üçün geri qaytarmağı ümid etdikləri daha çox əmlakın izinə düşməyi planlaşdırdıqlarını bildiriblər.

Qeyd edək ki, Bəşər Əsədin ailəsinin aktivlərinin dəyərinin 12 milyard dollar olduğu bildirilir. Bu rəqəm "The Wall Street Journal" (WSJ) tərəfindən açıqlanıb.

Lalə Qüdrətova
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.