Dünya

Əsəd rejiminin gizli sənədləri üzə çıxdı: Amansız kəşfiyyat xidməti

13 Dekabr 2024 11:23

Baxış: 1 575

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA #SURİYA #MÜHARİBƏ

Suriyanın Şam şəhərindəki Dövlət Təhlükəsizlik qərargahında saxlanılanların işgəncəyə məruz qaldığı və rejimin gizli kəşfiyyat fəaliyyətlərinin həyata keçirildiyi yeraltı bölmə araşdırılıb.

Milli.Az xəbər verir ki, burada, hər biri dəmir qapılarla bağlanmış, işkəncə görən şəxslərin saxlanıldığı kiçik otaqlar tapılıb. Otaqlardaki tək işıq mənbəyi isə, divarlardakı kiçik dəliklərdən sızan günəş işığı olub.

Suriya İnsan Haqları Şəbəkəsi (SNHR) tərəfindən yayımlanan məlumatlara görə, 2001-ci ildən bəri Suriya hökumətinin işkəncə nəticəsində öldürdüyü 15.102 nəfərin adı qeydə alınıb. 130 mindən çox suriyalı isə itkin düşüb və ya həbsdə saxlanılır.

Suriya kəşfiyyat qrupları ölkənin hər bir vətəndaşının həyatını izləyən bir şəbəkə qurduğunu bildirirlər.

Həmçinin, kəşfiyyat qurumları, müxalifətə qarşı sıx bir nəzarət həyata keçirib və xalqı qorxutmaq məqsədilə geniş işkəncə tədbirləri tətbiq edib.

Dünyanı dəhşətə gətirən "Əsədin qəssabxanası"' - Görün nələr var imiş - FOTO

Şamın mərkəzindəki digər bir kəşfiyyat idarəsi olan Ümumi Kəşfiyyat İdarəsində isə, dövlətdaxili sənədlər və geniş məlumat bazaları tapılıb. Elektron sistemlərin yanında kağız sənədlər və fiziki qeydlər də mövcuddur. Bu sənədlər, gələcəkdə rejimə qarşı mübarizə aparanların məsuliyyətə cəlb edilməsində mühüm rol oynaya bilər.

Eyni zamanda, Şamın müxtəlif bölgələrindəki gizli silah anbarlarında minalar və digər silahlar tapılıb. Bu silahların, Suriya ordusunun müxalifətə qarşı mübarizəsi və Rusiyanın köməyi ilə həyata keçirilən döyüşlərdə istifadə edildiyi bildirilir.

Bəzi analitiklər, bu sənədlərin və məlumatların regionda şok yarada biləcəyini, xüsusilə də Ürdün, Lübnan və İraqda olan şəxslərlə bağlı münasibətləri ortaya qoyaraq, geniş miqyasda siyasi təsirlər yaratacağını proqnozlaşdırırlar.

Nərmin
Milli.Az