Dünya

İtaliyadan Türkiyəyə TƏLƏB: Suriya ilə bağlı

8 Dekabr 2024 21:49

Baxış: 3 028

VTB-də minimal faiz dərəcəsi ilə nağd kredit 9.9%-dən

#TÜRKİYƏ #İTALİYA

Türkiyənin Xarici İşlər Naziri Hakan Fidan İtaliya Xarici İşlər Naziri Antonio Tajani, Avropa İttifaqının Xarici Əlaqələr və Təhlükəsizlik Siyasəti üzrə Yüksək Nümayəndəsi Kaja Kallas, İspaniyanın Xarici İşlər, Avropa İttifaqı və Əməkdaşlıq Naziri Xose Manuel Albares, Çexiya Xarici İşlər Naziri Yan Lipavski, Pakistan Xarici İşlər Naziri Muhəmməd İşak Dar və Fransa Xarici İşlər Naziri Jan-Nol Barro ilə telefon danışıqları apararaq Suriyadakı vəziyyəti müzakirə edib.

Milli.Az xəbər verir ki, İtaliyanın Xarici İşlər Naziri Tajani, "Türkiyə Xarici İşlər Naziri Fidanla uzun bir görüş keçirdim. Suriya ərazi bütövlüyünün qorunmasının əhəmiyyəti barədə razılaşdıq. İtaliya vətəndaşlarının təhlükəsizliyini, xristianların və digər azlıqların müdafiəsinin təmin edilməsi üçün Türkiyənin bütün imkanlarını səfərbər etməsi ilə bağlı tələbimi bir daha təkrarladım," deyə bildirib.

Türkiyənin Xarici İşlər Nazirliyindən əldə olunan məlumata görə, Hakan Fidan Kaja Kallas ilə telefon danışığı aparıb. Görüşdə Suriyadakı son inkişaflar müzakirə olunub və ölkənin gələcəyi ilə bağlı fikir mübadiləsi aparılıb.

Fidan və Tajani arasında keçirilən telefon danışığında Suriyanın ərazi bütövlüyü və siyasi birliyinin vacibliyi vurğulanıb, keçid dövründə dini azlıqların qorunmasının əhəmiyyəti qeyd edilib.

Tajani bu mövzu ilə bağlı İtalyan jurnalistlərə açıqlama verərək, "Türkiyə Orta Şərq bölgəsində sabitliyi təmin etmək üçün diplomatik baxımdan İtaliya ilə əməkdaşlıq etməyə hazırdır," deyə bildirib.

Tajani əlavə edib: "Nazir Fidanın vəziyyətin ümumi təhlükəsizlik baxımından nikbin olduğunu gördüm."

Lalə Qüdrətova
Milli.Az