Dünya

Əsəd Trampa müraciət etdi: İrandan imtina…

8 Dekabr 2024 00:12
Baxış: 1 324
VTB-də minimal faiz dərəcəsi ilə nağd kredit 9.9%-dən
#SURİYA

Əsəd razılaşma ilə bağlı ABŞ və şəxsən Trampa müraciət edib.

Milli.Az axar.az-a istinadən bildirir ki, bu barədə "Blumberq" özünün mənbələrinə istinadla məlumat yayıb.

Mənbələrin məlumatına görə, Əsəd Birləşmiş Ərəb Əmirlikləri vasitəsilə ABŞ-a təklif edib ki, Qərb Suriyadakı döyüşləri dayandırmaq üçün təsir göstərəcəyi təqdirdə Dəməşq Hizbullah kimi İranın dəstəklədiyi silahlı qruplarla bütün əməkdaşlığa son qoyacaq.

Bundan başqa Əsəd islamçı müxalif qüvvələrin qələbə çalacağı təqdirdə Suriyanın xristian azlığına "ekzistensial təhlükə" yaranacağını çatdırmaq üçün Macarıstan Prezidenti Viktor Orbanla görüşə yüksək səviyyəli xristian lideri göndərib. Niyyət Trampın müttəfiqi olan Orbanın bu mesajı ABŞ-ın yeni prezidentinə ötürmək olub.

Qeyd edək ki, Suriyada silahlı müxalifətin noyabrın 27-də Bəşər Əsəd rejiminə qarşı başlatdığı əməliyyatda irəliləyiş davam edir. Bir neçə gün ərzində kritik şəhərləri tutmağı bacaran müxalifət paytaxt Dəməşqə çatıb. Artıq silahlı müxalif qruplar cənubdan Dəməşqə daxil olmağa başlayıb.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.