Dünya

Keçmiş prezidentin oğlu axtarışa verildi

5 Dekabr 2024 08:35
Baxış: 1 094
VTB-də minimal faiz dərəcəsi ilə nağd kredit 9.9%-dən
#UKRAYNA

Aleksey Poroşenko, diplomat, siyasətçi və Ukraynanın beşinci prezidenti Pyotr Poroşenkonun böyük oğlu, axtarışa verilib.

Milli.Az xəbər verir ki, səbəb, Aleksey Poroşenkonun hərbi komissarlığın çağırışına məhəl qoymamasıdır. O, bu il sentyabrın 4-də və oktyabrın 21-də iki çağırış alıb, lakin hər iki dəfə müraciətə məhəl qoymayıb. Bu, onun ehtiyatda leytenant rütbəsinə malik olmasına baxmayaraq baş verib.

Daha əvvəl UNIAN xəbər yayıb ki, Petro Poroşenkonun oğulları mobilizasiyadan qaçaraq xaricdə gizlənir və böyük oğlunun həyat yoldaşı Rusiya siyasi dairələri ilə əlaqəlidir.

Xəbərdə iddia edilir ki, 39 yaşlı Aleksey Poroşenko və ailəsi London və Sinqapur şəhərlərində yaşayır. O, Ukraynadakı biznesini məsafədən idarə edir. Bundan əlavə, onun həyat yoldaşı Yuliya (qızlıq soyadı Alixanova) Rusiyanın Sankt-Peterburq şəhərindəndir. Jurnalistlərin məlumatına görə, onun nüfuzlu qohumları var. Məsələn, böyük bacısı Leninqrad vilayətinin qubernator müavini Dmitri Yalovun həyat yoldaşıdır. Yalov vaxtilə Rusiya Prezidenti Vladimir Putinin yaxın ətrafına daxil olan oliqarx Yuri Kovalçukun strukturlarında çalışıb.

Yuliyanın anası Yelena Alixanova Şimal-Qərb Banklar Assosiasiyasında işləyir, atası Lev Alixanov isə hərbi təqaüdçüdür. Yuliya Poroşenkonun əmisi və xalası Krımda yaşayır və yarımadanın Rusiyaya "qoşulması" ilə bağlı saxta referendumda iştirak edərək bu addımı dəstəkləyiblər.

Lalə Qüdrətova
Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.