Dünya

Şahzadə Birqitta vəfat etdi

4 Dekabr 2024 21:36
Baxış: 1 198
VTB-də minimal faiz dərəcəsi ilə nağd kredit 9.9%-dən
#İSVEÇ

İsveç Kralı XVI Karl Qustavın bacısı, İsveç şahzadəsi Birgitta bu gün, 4 dekabrda, 87 yaşında Santa Ponsa-dakı evində vəfat edib. Bu barədə İsveç Kral Ailəsi məlumat yayıb.

Milli.Az xəbər verir ki, Kral XVI Karl Qustav bacısının vəfatı ilə bağlı belə deyib:

"Bacım canlı və açıq sözlü bir insan idi. Onun yoxluğunu mən və ailəm dərin kədər hissi ilə qarşılayırıq."

Şahzadə Birgitta İsveç vəliəhdi Qustaf Adolf və Sakson-Koburq-Qota şahzadəsi Sibillanın ikinci qızıdır. O, İsveç Kralı XVI Karl Qustavın bacısı və İsveç kral ailəsinin üzvü idi. Doğulduğu dövrdə mövcud olan varislik qanunlarına görə, o, varislik sırasına daxil olmasa da, İsveç şahzadəsi olaraq "Krallıq Əlahəzrəti" titulunu saxlayırdı.

Şahzadə Birgitta 1961-ci ildə Yohann Georg von Hohenzollern-Ziqmaringen ilə evlənərək evlilik yolu ilə Ziqmaringen şahzadəsi titulunu almışdı. Cütlüyün üç övladı olub: Karl Kristian (1962-ci il təvəllüdlü), Dezire Marqareta (1963-cü il təvəllüdlü) və Hubertus Qustav (1966-cı il təvəllüdlü). 1990-cı ildə ayrılmalarına baxmayaraq, Yohann Georgun 2016-cı ildəki ölümünə qədər evli qalmışdılar.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.