Dünya

Makron qorxu içində - Şoltsa niyə zəng etdi?

7 Noyabr 2024 09:23
Baxış: 1 151
VTB-də minimal faiz dərəcəsi ilə nağd kredit 9.9%-dən
#DÜNYADA #FRANCE #ALMANİYA #FRANSA

Fransa Prezidenti Emmanuel Makron Donald Trampı ABŞ prezidenti seçilməsi münasibətilə ilk təbrik edənlərdən olsa da, təşviş içindədir. Trampın prezident seçildiyi xəbəri təsdiqləndikdən dərhal sonra Makron Almaniya kansleri Olaf Şoltsa zəng edib.

Milli.Az xəbər verir ki, bu barədə politoloq Elxan Şahinoğlu qeyd edib.

O bildirib ki, Makron Şoltsla yeni durumu müzakirə edərkən "suveren Avropa" ideyasının reallaşdırılması vacibliyindən danışıb:

"Yəni Makronun məntiqinə görə, Avropa ABŞ-ın siyasi, iqtisadi və hərbi asılılığından qurtulmalıdır. "Faynənşl Tayms" dərgisinə görə, Avropa Birliyinin bir qisim məmuru da Trampın qələbəsindən qorxuya düşüb. Bu, əsassız deyil. Tramp böyük ehtimalla, keçmiş prezidentlik dövründəki Avropaya ünvanladığı tələbi təkrarlayacaq:

"Təhlükəsizliyinizə yönəlik xərclərinizi artırın, ABŞ sizin yükünüzü daşımayacaq".

Makrona gəldikdə, Parisin "suveren Avropa" ideyası yeni deyil. Bunu Fransanın keçmiş liderləri də reallaşdırmaq istəyiblər, ancaq heç bir nəticə əldə etməyiblər. Çünki Fransadan başqa digər Avropa dövlətləri "suveren Avropa" ideyasına inanmır. ABŞ olmasaydı, Avropanın az qala mərkəzində - Bosniyada müharibəni dayandırmaq mümkün olmayacaqdı. Elə Ukraynaya ən böyük maliyyə və hərbi-siyasi dəstək "suveren Avropadan" deyil, ABŞ-dan gəlib".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.