Dünya

Almaniya Türkiyə ilə saziş bağladı

28 Sentyabr 2024 12:11

Baxış: 878

#TÜRKİYƏ #ALMANİYA #RƏCƏB TAYYİB ƏRDOĞAN

Almaniya kansleri Olaf Şolts və Türkiyə Prezidenti Rəcəb Tayyib Ərdoğan türklərin Almaniyadan deportasiyası ilə bağlı saziş imzalayıb.

Milli.Az oxu.az-a istinadən xəbər verir ki, bu barədə "Frankfurter Allgemeine Zeitung" qəzeti məlumat yayıb.

Məlumata görə, sığınacaq verilməsindən imtina edilən 200 Türkiyə vətəndaşı tezliklə Almaniyadan ölkələrinə geri göndəriləcək. Eyni zamanda, Ankara həftədə 500-ə qədər vətəndaşını qəbul etməyə hazır olduğunu açıqlayıb. Qeyd olunur ki, ümumilikdə Almaniyadakı 13500-dən çox türkün ölkəni tərk etməsi tələb olunur.

Nəşrin məlumatına görə, sazişin imzalanması müqabilində Türkiyə viza rejiminin sadələşdirilməsinə ümid edir. Berlinlə Ankara arasında saziş imzalanması ilə bağlı danışıqlar bir neçə ay davam edib. Almaniyadan deportasiyaların başlanması ilə bağlı diplomatik əlaqələr 2023-cü ilin noyabr ayından bu yana dayanmayıb.

Bildirilir ki, ötən il Almaniyadan sığınacaq istəyən Türkiyə vətəndaşlarının sayı 2022-ci illə müqayisədə 150% artıb. Türkiyə hazırda Almaniyadan sığınacaq istəyən vətəndaşlarının sayına görə Əfqanıstandan sonra üçüncü yerdədir.

Milli.Az
Xəbərlərimizi WhatsApp kanalımızdan da oxuyun