Türkiyə

Hindistanlı cinayətkar Türkiyədə tapıldı - FOTO

25 Aprel 2026 12:12

Baxış: 701

VTB-də minimal faiz dərəcəsi ilə nağd kredit 9.9%-dən

#TÜRKİYƏ #CİNAYƏT #HİNDİSTAN

Türkiyədə İstanbul şəhərinin hüquq-mühafizə orqanlarının əməkdaşları narkotik vasitələrin qanunsuz dövriyyəsi cinayəti ilə əlaqədar beynəlxalq axtarışda olan Hindistan vətəndaşı Salim Dolanı həbs edib.

Milli.Az xəbər verir ki, məlumata görə, aparılan texniki və fiziki izləmə nəticəsində şübhəlinin Beylikdüzü rayonunda bir ünvanda qaldığı müəyyən edilib. Salim Dola yaşadığı ünvanda aparılan əməliyyat zamanı saxlanılıb. Ünvanda aparılan axtarışlarda 126 kiloqram 141 qram mefedron və 2 milyon 522 min Hindistan rupisi (təxminən 51 min manat) ələ keçirilib.

Saxlanılan şübhəlinin polis bölməsindəki prosedurları tamamlandıqdan sonra deportasiya olunacaq.

Qeyd edək ki, Hindistanın Mumbay şəhərinə bağlı Kurla rayonunda keçirilən əməliyyatlar zamanı saxlanılan şübhəlilər narkotiklərlə bağlı məhz Salim Doladan göstərişlər aldıqlarını etiraf ediblər.

Milli.Az