Türkiyə

İstanbulda davam edən afterşoklar nə vaxt bitəcək?

25 Aprel 2025 14:24
Baxış: 1 086
VTB-də minimal faiz dərəcəsi ilə nağd kredit 9.9%-dən
#TÜRKİYƏ #ZƏLZƏLƏ

İstanbul və ətraf vilayətlərdə hiss olunan 6,2 bal gücündəki zəlzələdən sonra 291 afterşok qeydə alınıb.

Milli.Az xəbər verir ki, AFAD-dan verilən açıqlamada afterşokların yaxın həftələrdə azalmağa və sona çatmağa başlayacağı bildirilib.

23 aprel saat 12:49-da Mərmərə dənizində, Silivridən 24 kilometr uzaqlıqda baş verən zəlzələ İstanbul, Tekirdağ, Yalova, Bursa, Sakarya və Balıkəsirdə də hiss olunub. 

AFAD tərəfindən yayılan açıqlamada qeyd olunub ki, əsas zəlzələdən sonra ümumilikdə 291 afterşok baş verib. Bunların əksəriyyəti 3 baldan aşağı olmaqla, 283-ü 3,9 və daha aşağı maqnitudalı olub. Son 16 saatlıq statistikaya əsasən, afterşoklarda azalma müşahidə olunur və növbəti bir neçə həftə ərzində tamamilə dayanması gözlənilir.

Zəlzələnin episentri Silivri sahillərində yerləşib və episentrdən təxminən 300 km radiusda hiss olunub. Dağıntı və insan itkisi qeydə alınmayıb. 

Qeyd edək ki, İstanbulda zəlzələdən sonra sığınacaq tələbi ilə müraciət edən 51 min vətəndaş məscidlərdə, 50 min nəfər isə məktəb, yataqxana və digər müvəqqəti məkanlarda yerləşdirilib. 

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.